Авыл референдумга әзерләнә
28 февраль, якшәмбе көнне, авыл җирлекләрендә үзара салым мәсьәләсе буенча референдум узачак. Барлык 22 авыл җирлегендә дә референдум үткәрү комиссияләре бу эшкә әзер. Референдумда катнашучылар үзара салым күләме буенча фикерләрен белдерәчәк. Авылда яшәүчеләр өчен бу процедура яңалык түгел, чөнки ул берничә ел рәттән уздырыла. Үзара салымның өстенлеген дә аңлады халык, чөнки җирлектә җыелган акчаның һәр бер сумы өчен дәүләттән 4 сум бирелә. Ә бу исә социаль проблемаларны хәл итү, халыкның тормыш-көнкүрешен яхшыртуга планлаштырылган чараларны тормышка ашыру өчен яхшы финанс чыганагы.
Референдум иртәнге сәгать 7дә башланып, кичке 8гә кадәр билгеләнгән.