Мисырга путевкалар күпме торачак?
Россия белән Мисыр арасында һава юллары ачылгач, сәяхәт һәм ял итәргә дә шартлар янәдән барлыкка киләчәк. Шунысы куанычлы: путевкаларга бәяләр үзгәрешсез калачак.
Бу турыда Россия туроператорлары ассоциациясе вице-президенты Дмитрий Горин белдергән, дип яза "Коммерсант". «Мисырга барып кайту (билетлар, кунакханәдә яшәү, трансфер) бер кешегә якынча 800 долларга төшә. Валютада бәя үзгәрешсез кала, сумнарда гына долларга бәйле рәвештә күпмедер үзгәреш булырга мөмкин», – дип аңлатма бирә Горин.