Зәйдә хәрби бурычын үтәүдән качып йөрүчеләрне җинаять җаваплылыгына тарталар

Зәй шәһәр прокуратурасы хәрби бурыч һәм хәрби хезмәт турында закон таләбе үтәлешен тикшерде. Нәтиҗәдә өч хәрби хезмәт яшенә җиткән егетнең хәрби хезмәттән азат ителү яки вакытлыча хезхмәттән кичектерелү хокукы булмаган килеш комиссариатка килмәве ачыкланган. Әлеге затларны җинаять җаваплылыгына тарту-тартмау мәсьәләсен  карау өчен материаллар тикшерү комитетына юлланып, алар РФ Җинаять кодексының 328нче маддәсе 1нче бүлеге нигезендә җинаять җаваплылыгына тартылган.