Кыска буйлы һәм юан кешеләр акчаны азрак эшли
Бөекбритания белән АКШ генетиклары фикеренчә, кешенең кыска буйлы һәм юан булуы аның тормышта тоткан урыны белән турыдан-туры бәйле, дип яза «Лента.ру».
Алар уздырган масштаблы тикшеренүләр көнбатыш җәмгыятендә социаль иерархия башында озын буйлы, төз гәүдәле кешеләр торуын күрсәтә. Шуңа да генетиклар кыска буйның белем дәрәҗәсенең һәм хезмәт хакының түбән булуына китерә дигән фикердә тора. Аларча, бу кешенең комплекслары белән бәйле булырга тиеш. Галимнәр, һәр алты сантиметр кешенең еллык керемен уртача 2,3 мең долларга арттыра, дип белдерә.