Тире диспансеры баш табибын үтерүчеләргә 19,5 ел бирелгән
Республиканың Югары суды баш табибны һәм бу вакытта өйдә булган аның улларын һәм архитектор хатын-кызны үтерүче Игор Сусанов белән Инам Махкамовны 19,5 әр елга каты режимдагы колониягә җибәрү турында хөкем карары чыгарган.
44 һәм 49 яшьлек җинаятьчеләр һәм тагын бер адәм (ул хәзер үлгән) Салмачи бистәсендә йорт хуҗасына матди байлыкларын бирүне таләп итеп һөҗүм иткән иделәр. Уңай җавап ишетмәгәч, алар табибны үтерәләр, аның ике улын һәм йорттагы ханымны буалар. Хатын-кызны Махкамов үтерер алдыннан көчли. Тапкан барлык акча, әйберләрне алып, эзне югалту максатыннан җинаятьчеләр йортка ут төртәләр һәм качалар. Ниһаять, аларны тоталар һәм хөкем итәләр.