Үргәгар авылындагы мәчетнең төзелешенә быел 111 ел була

Бер гасырдан артык “гомер кичергән” Аллаһ йортының стеналары калын бүрәнәләрдән өелеп, әлегә ышанычлы торсалар да, мәчеткә йөрүчеләр аны тимер сайдинг белән тышларга булганнар.

Мондый зур эшкә мәчетнең үз акчасын тотарга җыеналар – халыктан кергән хәерне сумлап-тиенләп җыеп килгәннәр һәм җитәрлек сумманы туплаганнар. Шул ук вакытта игелекле эшкә теләгән һәркем үз өлешен кертә ала.