Әлмәт театры бер айда ике премьера тәкъдим итәргә уйлый
Премьералар апрель аенда сәхнәгә чыга.
Әлмәт Татар дәүләт драма театры берьюлы ике спектакль премьерасын әзерли. Тамашачылар 2 апрель көнне Нәкый Исәнбәтнең “Качаклар” спектаклен тәүге тапкыр күрә алачак. Спектакль татар театрына нигез салынуга 110 ел тулуга багышлана, режиссеры — Илгиз Зәйниев.
Шулай ук, апрель аенда Зөлфәт Хәким әсәре буенча “Дөнья киң түгел икән!” спектаклен дә киң җәмәгатьчелеккә тәкъдим итү ниятләнә. Спектакльне режиссер Лилия Әхмәтова сәхнәләштерә, дип хәбәр итә театрның матбугат хезмәте.