Санитар икеайлыкта катнаш һәм кыйммәтле бүләк от!
Республиканың экология һәм табигать ресурслары министрлыгы актив халыкны әнә шулай “мактарга” җыена.
Бу акциядә катнашу өчен министерлыкның Instagram челтәрендәге аккаунтына язылган булу шарт. Язылучылар санитар өмәдә төшерелгән фото яки видеороликларын #ЭКОВЕСНА2016 хештегы белән урнаштыра ала һәм шулай итеп җиңүгә өмет итә дигән сүз. Иң актив һәм креатив табигать сакчылары арасында җиңүчегә iPad Air бүләк ителәчәк. Аны агымдагы елның 23 апрелендә Казанның үзәк шимбә өмәсендә тапшырачаклар.
Мондый акцияләр алга таба да булыр дип көтелә.