Татарстанда полиция хезмәткәрләре наркотик таратучыларны тоткарлаган
Татарстанның Эчке эшләр министрлыгы китергән мәгълүматларга караганда, полиция хезмәткәрләре Бөгелмә-Уральск трассасында бер машинаны туктаткан. Машина йөртүчедән 3,02 грамм синтетик наркотик табып алынган.
Соңрак хокук сакчылары әлеге кешенең фатирында да эзләү чаралары оештырган. Нәтиҗәдә, алар 25,2 грамм наркотикка тап булганнар. Хәзерге вакытта җинаятьтә шикләнелүче әлеге зат кулга алынган. Тикшерү эшләр дәвам итә.