Басуда эш темплары арта

Зәй районы басу-кырларында  уҗым культураларын тукландыру дәвам итә. Бу эш барлык агрофирмалар,  “Нива” җаваплылыгы чикләнгән ширкәтендә алып барыла. Район буенча ашлама кертү 30 процентта башкарылды инде. Бу эш белән биш “Туман” агрегаты, өч очкыч мәшгуль.

Районда чәчүлекләрне тырмалау эшенә дә керештеләр. Тырмалауга беренчеләрдән булып  “Нива” җаваплылыгы чикләнгән ширкәте кереште. Бу  эшкә бүген  “Зәй шикәре” агрофирмасының - “Сәвәләй”, “Маяк”, “Восток” агрофирмасының “Ал. Бистәсе”, “Зәй” агрофирмасының “Ялкын” бүлекчәләре дә кушылды.