Бәла-казада зыян күрүчеләр паспортларын бушка ясата
Төрле бәла-казадан зыян күргән кешеләр яңа паспорт ясатканда дәүләт пошлинасын түләүдән азат ителә.
Россиянең Салым кодексына быел яз үзгәрешләр кертелде. Ул су басудан, янгыннан һәм төрле гадәттән тыш хәлләрдән зыян күргән кешеләрне социаль яклау максатын тота. Хәзер бәла-казада документларын югалткан кешеләр яңа паспорт ясатканда дәүләт пошлинасын түләүдән азат ителә. Бу болай да һәр тиен исәптә булганда, 1500 сум акчаны янда калдырырга мөмкинлек бирелә дигән сүз.