Теләчедә кафены су баскан [+ФОТО,ВИДЕО]
Атна азагына таба көннәрнең кинәт җылытып җибәрүе, Теләченең "Туган авыл" кафесына шактый зыян китергән. Агып китәр юл таба алмаган кар сулары кафены "әсирлеккә" алган.
Бизнесның бар булган нечкәлеген аңлаучы хуҗалар үз милкен иминиятләштерү җаен күргәндерме, билгеле түгел. Әмма бу көннәрдә гомер бәйрәмен әлеге кафеда уздырырга ниятләгән яшь парлар, йә булмаса юбилярларга кафега көймә белән йөзеп керергә туры килмәгәе.
Хәер моңа аптырарга кирәкми: кафе Теләченең язын су астында кала торган болынлыгында урнашкан. Әйтик, районның шул урыннан ерак урнашмаган Караширмә авылы ел саен су астында кала. Чөнки Мишә елгасы ярларына гына сыешмый...