Елның беренче яшенле яңгыры көтелә
Татарстан Гидрометеорология һәм әйләнә-тирә мохитне күзәтү идарәсе мәгълүматларына караганда, иртәгә – 12 апрельдә, аязучан болытлы һава торышы хакимлек итәчәк.
Республикада төнлә һәм иртән томан төшү ихтималы бар. Томан вакытында күз күреме 500 метрга кадәр кими. Яңгыр, кич һәм төнлә яшенле яңгыр яву да мөмкин. Көнчыгыш, төньяк-көнчыгыштан искән җилнең секундына 3-8, вакыты белән 12 метрга җитеп көчәюе ихтимал.
Татарстанда уртача һава температурасы төнлә – 2-7 градус җылы булса, көндез 7-12 градуска кадәр җылыта.