Зәйлеләр “Йолдызлык” фестивалендә сынатмый
Казанда “УНИКС” үзәгендә “Созвездие”-“Йолдызлык” телевизион яшьләр иҗат фестивале дәвам итә. Финал ярышларының беренче туры төгәлләнде инде. Икенче турга Зәйдән вокал-хореография ансамбльләрдән Әлфия Вәлиуллинаның “Мирас”, “Азаль” коллективлары, хореография номинациясендә Лидия Нестягинаның “Улыбка” ансамбле, аерым башкаручылар арасында Виктория Пузанкова, Илсөяр Солтанова, Әлфия Сираева, Александра Шишмагаева, Тимур Шакиров узды. Алга таба алар иң-иңнәр булуларын дәлилләү өчен тырышачак. Фестивальнең гала-концерты 15 апрельгә билгеләнгән.