Районыбызда традицион Хәйрия марафонына старт бирелде
Апрель башыннан районыбызда традицион Хәйрия марафонына старт бирелде. Бу Бөек Җиңү көне алдыннан уза торган чара.
Анда ел саен күпчелек балыкбистәлеләр катнаша. Узган елгы марафон вакытында барлыгы 614 мең сум акча җыелган. Ул тулысынча мохтаҗ гражданнарга, инвалидларга, ветераннарга, бәла-казаларда зыян күрүчеләргә ярдәм итү өчен тотылды. Хәйриячеләр арасында гади балыкбистәлеләр белән беррәттән, РФ Дәүләт Думасы депутаты Ирек Богуславский, ТР Дәүләт Советы депутатлары Дмитрий Самаренкин, Михаил Сыроватский, Альберт Фәхретдинов, шулай ук эшмәкәрләр дә бар. Моннан тыш районда мәгариф, мәдәният, спорт өлкәсендә төрле чаралар үткәрү, социаль әһәмияттәге объектларны: һәйкәлләрне, зиратларны, чишмәләрне төзекләндерү өчен республиканың эре предприятиеләре хәйрия ярдәме күрсәтәләр.
“Йолдыз” фонды балыкбистәлеләрне Хәйрия марафонында актив катнашырга чакыра. Һәр игелекле кешенең көченнән килгән хәйрия ярдәме зур эшләр башкарырга мөмкинлек бирә. Кемгәдер сәламәтлеге кайтарыла, фаҗига югалтуларын җиңәргә булыша.
Хәйрия ярдәме өчен банк реквизитлары:
ИНН 1634006621 КПП 163401001
ОГРН 1091600004583
Расчетный счет 40703810102540000121
Рыбно-Слободский доп. офис Чистопольского филиала ОАО “Ак Барс” банк.
БИК 049205805. Кор.счет 30101810000000000805.
Фотосы: memory-kerch.ru