Лениногорск студентлары булдыра
"Студентлар язы-2016" фестиваленең зональ туры Әлмәттә "Иске Әлмәт" мәдәният йортында узды. Анда Лениногорскидан КНИТУ-КАИ, музыка-рәсем педагогик колледжы, нефть техникумы студентлары катнашты.
Студентлар вокал, хореография, театраль һәм оригиналь жанр буенча көч сынашты.
"Вокал-соло" номинациясендә Рамил Габитов беренче урынны алды; педколледждан Элина Попугаева "Хореография-соло" буенча җиңде. "Вокал-соло" (кызлар арасында) Эльвина Мифтахова икенче урында, "Вокаль ансамбльләр" номинациясендә колледжның "Сәйләнә" ансамбле икенче урынны алды, дип хәбәр итә "Лениногорск журналы".