Әлмәттә моңарчы күрелмәгән хәл – биючеләр белән урам тулды
Кичә Халыкара бию көне уңаеннан урамга биючеләр таралды.
Район мәдәният йорты авыл җирлекләрендә яшәүчеләрне биючеләр көрәшенә җыйды. Кичә “Нефтьче” мәдәният сарае каршында 15 авылдан бию коллективлары бер мәйданга җыелды. Мондый фестиваль Әлмәттә беренче тапкыр узды. Төрле шаян биюләр, мастер-класслар, бер-берең белән аралаша алу мөмкинлеге – бар да бәйрәмчә узды.