Артистлар Әлмәт сабыйларын сөендерде
Бүген Әлмәт драма театрында “Шүрәле-шоу” премьерасына нәни рәссамнар килде.
Габдулла Тукай тууына 130 ел булу уңаеннан март аенда ук Әлмәт театры рәсемнәр бәйгесе игълан иткән иде. 3–10 яшьлек балалар барлыгы 600 дән артык рәсем белән әлеге бәйгене куәтләп алды, Тукай иҗатын аның персонажлары аша яктыртты. Бүген шушы бәйгедә җиңгән сабыйларга премьераны тәкъдим иттеләр.
Театр диварлары финалга чыккан рәсемнәр белән бизәлгән. Шулай ук, Тукай әкиятләренә карата матур почмаклар да булдырылган иде.