«Грейпфрут» салаты
Кирәк:
* бер кыяр;
* бер грейпфрут;
* 0,5 кг креветка;
* салат яфраклары.
Соус:
* бер чәй кашыгы соя соусы;
* бер чәй кашыгы бал;
* бер чәй кашыгы майонез;
* бер чәй кашыгы көнбагыш мае.
Эш барышы:
Креветканы пешереп суытабыз һәм кабыгын әрчибез. Грейпфрутны чистартабыз, элпәләреннән арындырабыз. Кыярны ярымбоҗралап турыйбыз, салат яфракларын исә кул белән ерткалыйбыз. Барлык ингредиентларны бергә болгатабыз һәм өстенә соус агызабыз.