Почтальоннарны 16644 сум күләмдә премия көтә
«ТАТМЕДИА» АҖ басмаларына яздыру буенча иң зур үсешкә ирешүче почтальоннарны барлыйлар.
Агымдагы елның икенче яртыеллыгына язылу кампаниясе кысаларында республика почтальоннары арасында бәйге игълан ителде. Җиңүчеләрне – иң яхшы шәһәр почтальонын, кече шәһәр почтальонын һәм авыл почтальонын 2015 елның II яртыеллыгына карата тираж үсеше һәм «ТАТМЕДИА» басмаларына язылучылар күләме буенча ачыклаячаклар. Бүләкләр саллы: иң-иңнәргә 16644 сум (НДС белән) акча биреләчәк. «Иң яхшы почта бүлекчәсе» номинациясе буенча җиңүчегә 30000 сум акчалата бүләк каралган.