Лениногорскида "Президент спорт уеннары" башланды (ФОТОЛАР)
Лениногорскида "Президент спорт уеннары" укучыларның бөтенроссия спорт уеннары региональ этабының финалы башланды. Ул өч көн: җомга, шимбә, якшәмбе дәвам итеп, якшәмбедә уеннарны ябу тантанасы узачак.
Безгә Татарстан районнарыннан 11 спорт командасы килде, шулай ук Лениногорск командасы да бу уеннарда чыгыш ясаячак. Командалар үзара өстәл теннисы, баскетбол, шашка, йөзү буенча көч сынашачак.
Ачылу тантанасы "Юность" спорткомлексында узды. Анда республика мәгариф министрлыгыннан сәламәтлек саклау секторының әйдәп баручы киңәшчесе Жанетта Сорокина, Яшьләр эшләре, спорт һәм туризм идарәсе начальнигы Марс Хәсәнов, мәгариф идарәсе белгечләре катнашты.
Розалия Мостафина фотолары