Бюджет хезмәткәрләренең хезмәт хакы артмас ахры
Россия Владимир Путинның май указлары буенча бюджет хезмәткәрләренең хезмәт хакын 1,5 тапкырга арттыра алмас, мөгаен.
Бу турыда Россия Хезмәт һәм социаль яклау министры Максим Топилин хәбәр итә.
- Узган елны исәпкә алып, 2018-2020 елга бюджетникларның хезмәт хакын 2011 ел белән чагыштырганда 1,5 тапкырга арттыру – бик зур проблема. Минем уйлавымча үсеш кимрәк булачак. Әмма реаль хезмәт хакын арттыруга таба юнәлеш тотарга кирәк, - ди ул.