Әлмәттә велопарад узачак
29 майда Әлмәт шәһәрендә велопарад узачак. Аңа Татарстанның Кече һәм урта эшмәкәрлек предприятиеләре ассоциациясенең 8нче веломарафонында катнашучылар да кушылачак.
Эшмәкәрләр ассоциациясе үзләренең һөнәри бәйрәмнәре уңаеннан ел саен май аенда веломарафон оештыра. Быел ул 27 майда Бөгелмәдән башлады. 28 майда велосипедка утырып эшкуарлар Ютазы – Азнакай – Җәлил маршрутын үтә. 29 майда Әлмәткә килеп велопарадта катнашачаклар. Һәр районда эшкуарлар җирле хакимият, шәхси эшмәкәрләр белән очрашулар, «түгәрәк өстәл»ләр уздыра.