Югалган кыз күршесенең багажнигында табылган
13 яшьлек югалган кызны Иркутск полицейскийлары һәм волонтерлары берничә көн дәвамында эзли.
Әнисе кызның югалуы турында ике көннән соң гына полициягә әйтә. Чөнки моңа кадәр югалып тора торган гадәте була. Полиция хезмәткәрләре 44 яшьлек күршеләренең битендә яралар күреп ала. Тегесе аларның кайдан булуын әйтә алмагач, шик туа. Эзләнә торгач аның машинасының багажнигында буып үтерелгән кызның гәүдәсенә тап булалар.
Үтерелгәнче көчләнгәнме, юкмы икәнлеге тикшерелә. Ир кулга алынган.