Татарстанда яшь фермерлар бизнес-проекты чынга ашырыла

ТР Авыл хуҗалыгы һәм азык-төлек министрлыгында “2015-2017 елларда эш башлаучы фермерларга ярдәм итү” федераль ведомство программасы буенча грантлар бирү өчен крестьян (фермерлык) хуҗалыкларының проектларын сайлау буенча конкурс комиссиясе утырышы узды. Татарстанның 30 муниципаль районыннан конкурста катнашкан 136 крестьян-фермерлык хуҗалыкларының 60ы грантларга ия булды. Программа шартлары буенча фермерлар 194 өстәмә эш урыны булдырырга тиеш, грантның һәр 500 мең сумына – 1 эш урыны.