Балык Бистәсе районы игенчеләре печән әзерләүгә кереште
Район игенчеләре чәчүне тәмамлап җинел сулыш алырга да өлгермәделәр, инде менә печән әзерләүне башлап җибәрделәр.
Быел районда бу олы эшкә беренчеләрдән булып янаарышлылар керештеләр. Хуҗалык уңганы Равил Кәримов “Магдон” комбайны белән күпьеллык үләнне теземнәргә сала башлады.Хуҗалык быел 2300 тонна печән әзерләргә исәп итә. Аның 1100 тоннасы халыкка биреләчәк. Мәшләклеләр дә бердәм рәвештә “яшел урак»ка төштеләр.
Фотосы: rostovgid.ru