Әлмәт полицейскийлары җинаятьчене тоткарлады
Әлмәттә 2 июнь кичендә Тукай проспектындагы йортларның берсеннән пычак җәрәхәте белән 45 яшьлек бер ханымны ЦРБга китерәләр.
Ул урамда билгесез кешенең тиктомалдан аңа пычак белән ташлануын әйтә.
Оператив-тикшерү чаралары үткәргәннән соң полицейскийлар җинаять кылучыны ачыклады. Ул зыян күргән ханымның 37 яшьлек танышы булып чыкты. Ике хатын-кыз бергә эчкәннән соң алар арасында низаг чыга. Һәм ул әнә шулай тәмамлана.