Алла сакласын! Яшеннән янгын чыгып, зур гаилә урамда калган
Буаның Аксу авылы күршесе Тутайда яшен зур гаиләне урамда калдырган. Бу хәл кичә кичке 5 тулганда була. Авылда көчле яшенле яңгыр ява башлый.
Фаразланганча, агач өйдәге сүндерелмәгән суыткычны яшен бәрә, нәтиҗәдә янгын чыга. Янгын сүндерүчеләрнең ашыгып килүенә карамастан, өйнең шактый өлеше зыян күрә. Ир белән хатын 5 баласы белән урамда кала, дип яза buinsk-tat.ru.