Салкынча һәм яңгырлы һава торышы саклана
Татарстан Гидрометеорология һәм әйләнә-тирә мохитне күзәтү идарәсе мәгълүматларына караганда, бүген – 8 июньдә, аязучан болытлы һава торышы хакимлек итәчәк.
Синоптиклар фаразлавынча, республикада яшен һәм җилнең көчәю ихтималы саклана. Көндез урыны белән яңгыр явачак. Төнге сәгатьләрдә аерым районнарда яшен, көчле җил көтелә.
Татарстанда уртача һава температурасы төнлә – 5-10, көнчыгыш районнарда – 13 градус җылы булачак. Көндез – 19 градус җылы.