15 яшьлек малай эченнән игезәк туганын алганнар
Яшүсмер әлеге яралгыны эчендә 15 ел йөрткән.
Малайзиядә яшәүче малайга ясалган операция уңышлы уза, аның эчендәге чит масса тумый калган игезәк туганы булып чыга. Медицинада бу бик сирәк күренеш. Җирле журналистлар яралгының чәче, аяклары, куллары һәм җенси органы булуы турында яза.
Яшүсмер эчендәге массаны башта табиблар шеш дип уйлый. Ул 4 ай дәвамында эче авыртудан зарлана.
Гаилә яралгыны барлык йолалар буенча җирләгән инде.