Иске Зәйдә лагерьга йөрүчеләр дару үләннәре җыя

Иске Зәй бистәсе мәдәният йорты хезмәткәрләре “Көнбагышлар” клуб яны лагерена йөрүчеләр белән иске аэропортка дару үләннәре җыярга бардылар.  Бу чараның максаты - балаларны дару үләннәрен танырга  һәм исемнәрен дөрес әйтергә өйрәтү, аларның дару үләннәрен куллану һәм дөрес җыю турында белемнәрен тулыландыру, үзеңнең сәламәтлегеңә сак караш тәрбияләү.  Лагерьга йөрүчеләр дару үләннәре белән таныштылар, аларны ничек файдаланырга, җыярга кирәклеге турында мәгълүмат алдылар.