Уяулыкны югалтмыйк
Зәйдә авыл җирлекләре Советының чираттагы утырышында сүз экстремизм һәм терроризмны кисәтү турында булды. Анда әлеге уңайдан Урсай, Якты Күл, Югары Пәнәче авыл җирлекләре башлыклары чыгышлары тыңланды. Уяулыкны югалтмау – бүгенге вазгыять. Һәрвакыт сак булу, бу мәсьәләләр буенча халык арасында аңлату эшләре алып баруны дәвам итү, контрольне югалтмау, мәктәп, спорткомплекслары, мәдәният, сәламәтлек саклау биналарына кереп-чыгып йөрүне нык контрольгә алу зарур. Бу эшләрнең куелышы даими тикшерелеп тора. Утырышта участок инспекцияләренең әлеге җәһәттән алып барган эшчәнлеге турында да бәян ителде. Районда уртак тырышлык, эшчәнлек белән экстремизм һәм терроризмны кисәтү буенча мөһим эш алып барыла.