Сәвәләйгә "Боламык"ка килегез!
25 июнь, шимбә көнне, Сәвәләйдә электән килгән яшьләр бәйрәме "Боламык" узачак.
Билгеле булганча, аны якташыбыз, Татарстанның халык артисты Виталий Агапов яңадан торгызды. Быелгы бәйрәм аеруча матур булачак, чөнки, Виталий һәм аның иҗат төркеменнән тыш, Сәвәләйгә 7-8 керәшен фольклор ансамбльләре килүе көтелә. Алар арасында Чаллы һәм Самара шәһәрендә эшләп килүчеләре дә бар. Әлбәттә, мәйдан уртасында бәйрәмнең төп ризыгы боламык пешәчәк.
Килегез, күңелле булачак. Бәйрәм иртәнге сәгать 10да авыл мәдәният йорты янында башлана.