Татарстанда яңа скандал: студент яңа туган бала белән селфи ясаган
Хәзер прокуратура студент-практикантның бу гамәлен җентекләп тикшерә башлаган.
Казан дәүләт медицина университетында укучы Диана Ишмаева яңа туган сабый белән фотосурәткә төшеп, аны интернетка урнаштыра. “Сабыйларны ничек яратмыйча була ул?” дип тә яза ул. Шау-шу купкач, ул фотоны бетерә. Әмма тикшерү инде башланган була. Яңа туган сабыйлар ята торган бокска гаджетлар белән керергә ярамый. Анда фотосъемка алып бару турында инде сүз дә була алмый.