Әлмәттә барлык юллар да ремонтланачакмы?
Хәбәр иткәнебезчә, быел шәһәрдә республика бюджеты хисабына 17 ишегалдындагы юллар яхшыртылачак. Бүген 5 квартал эчендәге юлда эш кайный.
Тиздән исемлеккә кертелгән калган ишегалларындагы участокларга да керешәчәкләр. Гомумән алганда, ремонт эшләрен план буенча 17 августка кадәр тәмамлау күздә тотыла. Түбән Мактамадагы 6 урамда ремонт төгәлләнгән инде. Моннан тыш территориаль иҗтимагый Советлар да үз биләмәләрендә эшләячәк. Сүз уңаенда, бихисап чокырлы Гобәйдуллина һәм Сургут урамнары юллары да, ниһаять, тәртипкә китерелгән.