Полиция хезмәткәренең берсе суга баткан, икенчесе югалган
Ике ЮХИДИ инспекторы исерек шофер утырган машинаны туктаткан булган.
Шофер беркетмә төзегәндә качарга маташа һәм Китой елгасына сикергән. Полиция хезмәткәрләре аны коткару өчен артыннан сикергән. Нәтиҗәдә Ангарскида булган әлеге вакыйгада бер инспектор суга батып үлгән, икенчесе хәбәрсез югалган. Евгений Бумажниковның гәүдәсе табылган, ә икенче инспекторны һәм исерек шоферны әле дә эзлиләр.