Икене көткән, биш игезәк бала тудырган
Өч малай һәм ике кыз. Одесса шәһәрендә яшәүче Оксана Кобелецкая игезәкләр ике генә дип йөргән булган.
Карынында биш игезәк ятуын ул бала табарга аз вакыт калгач кына УЗИ ясаганда белгән. 37 яшьлек хатынның һәм аның иренең 3 яшьлек кызлары бар. Игезәкләрне йөклелекнең 31 нче атнасында ярып алганнар. Барысы да сау-сәламәт икән. Авырлыклары 1100 дән 1800 граммга кадәр. Нәниләргә исем дә кушканнар инде. Малайлар Денис, Владислав һәм Давид, кызлар Дарья һәм Александра исемле.