Ирнең үлемендә хатыны гаеплеме, әллә ипотекамы? Тикшерү бара
Түбән Камада яшәүче 40 яшьлек бер ир үз-үзенә кул сала.
Фаҗига 5 июль кичендә була. Ир балигъ булмаган яшьтәге кызын хатынына илтеп бирә дә, аның белән хушлаша. Хатыны үзенең әнисендә яши торган була. Соңрак нәрсәдер сизенгән хатын иренә шалтырата башлый. Әмма тегесе телефонын алмый. Фатирларына килсә, ир үз-үзенә кул салган була. Аерылышырга җыенган гаиләнең ипотека белән дә проблемалары булган. Тикшерү бара.