Ел башыннан бирле 59 кеше алкоголь белән агуланган
Ел башыннан бирле алкоголь белән агуланган 59 кеше район үзәк хастаханәсендә дәваланган.
Исерткечкә хирыс биш кеше исә республика наркология диспансерына озатылган һәм анда дәвалану курсы узган. Хәмер яратучылар һәр җирдә, шул исәптән юлларда да хәвеф тудыра. Быел ЮХИДИ инспекторлары 99 автомобиль йөртүчене алкоголь куллануга шик белән район үзәк хастаханәсенә тикшерүгә алып килгән. 42сенең руль артына аракы эчеп утырганы ачыкланган.