Алабугалыларның фатирлары җылынды
Алабугада барлык торак йортларга диярлек җылылык бирелде. Дөрес, техник эшләр алып барыла торган берничә йорт искәрмә булып тора.
Моңа 25 йорт керә. Хәзергә аларда ремонт эшләре алып барылганлыктан, җылылыкны тоташтыру техник яктан мөмкин түгел. ТКХ һәм төзелеш департаменты директоры Василий Филиппов сүзләренә караганда, 11 йортта иске торбаларны полимерга алмаштыру эше башкарыла, аларның 7сенә шушы шимбәгә инде җылылык биреләчәк.