Айрат Шәфигуллин министрлыктан киткән
Республикада яңа билгеләүләр дәвам итә.
Моңа кадәр Татарстанның хезмәт, мәшгульлек һәм социаль яклау министры булып эшләгән Айрат Шәфигуллин республиканың куркынычсызлык советы секретаре итеп билгеләнгән. Әлеге вазифада булган Валерий Власов Дәүләт Советына депутат булып сайлану сәбәпле, куркынычсызлык советы секретаре урынын бушаткан.
Татарстанның хезмәт, мәшгульлек һәм социаль яклау министры итеп моңа кадәр ЗАГС идарәсенә җитәкчелек иткән Эльмира Зарипова билгеләнгән.