Әлмәттән Рубин Мадьяров “Халык участок полиция хезмәткәре-2014” бәйгесендә катнаша
“Халык участок полиция хезмәткәре-2014” Россиякүләм бәйгесенең икенче этабы старт алды. Әлмәттән анда Рубин Мадьяров катнаша.
ТР буенча Эчке эшләр министрлыгының рәсми сайтында “сораштыру” бүлегендә http://16.mvd.ru/folder/270954 иң яхшы участок полиция хезмәткәре өчен тавыш бирергә мөмкин.
“Халык участок полиция хезмәткәре-2014” Россиядә өченче тапкыр уздырыла. Ул полиция хезмәткәрләренә ышанычны арттыру, аларның хезмәтенә хөрмәт уяту һәм полиция хезмәткәрләре турында халыкта уңай фикер булдыру максатыннан оештырыла. Җиңүчеләр онлайн тавыш бирү юлы белән билгеләнә.
Онлайн тавыш бирү 16 нчы октябрьгә кадәр дәвам итә. Сайтта конкурсантларның барысы турында да тулы мәгълүмат бирелгән.