Әлмәтлеләр ветераннарны хөрмәтли
Бүген тагын бер әлмәтле – Бөек Ватан сугышы ветераны, II дәрәҗә Ватан сугышы ордены кавалеры Кузьма Григорьев туган көнен билгеләп үтте. Аны гомер бәйрәме белән тәбрик итәргә район башлыгы Мәҗит Салихов та килде һәм ветеранга бүләкләр, чәчәкләр тапшырды, изге теләкләрен җиткерде.
Кузьма ага элеккеге Шөгер районының Федотовка авылында туган. Сугыш башланганда аңа 16 яшь була. Белоруссия фронтында сугыша һәм Җиңүне Германиядә каршылый. Әлмәттә 1959 елдан бирле. Биредә АКСта, аннан МСОда эшли. Бүген ветеран ялгызы гомер кичерә.