Әлмәт студентлары ярышты
Калабызда спортның хәрби-гамәли төре буенча ярышлар булып узды.
Анда югары һәм урта махсус уку йортлары студентлары катнашты. Барлыгы тугыз команда көч сынашты. Алар Калашников автоматын сүтеп-җыюда, төз атуда, сафка тезелеп йөрүдә, тартылуда, барлыгы алты төр буенча осталыкларын, җитезлекләрен күрсәтте. Яшьләр хәрби хезмәткә әзерлекле булуларын тагын бер кат раслады.