Иске Матак мәктәбе бюджеттан тыш эшчәнлекне оештыруда бай тәҗрибә туплады
Россиянең иң алдынгы мәктәпләре исемлегенә кергән Иске Матак мәктәбе бюджеттан тыш эшчәнлекне оештыруда да бай тәҗрибә туплады.
Быел ике гектарлы мәктәп яны участогының яртысында бәрәңге үстереп алынды. Шулай ук 800 төп помидор, 2 мең төп кәбестә, кабак, суган, бакча җиләге дә мул уңыш бирде. Киләсе ел уңышын кайгыртып, инде 30 килограмм сарымасак та утыртканнар. Мәктәпнең ярдәмче хуҗалыгында 3 савым сыеры, бер үгез, ике бозау, бер тана да асрыйлар.