Төзелеш материаллары урамда аунап ята
Экология һәм табигатьтән файдалану департаменты белгечләре белән даими уздырылып торучы рейдларның берсендә фотообъективка Бигәш урамында урнашкан сәүдә үзәге эләкте.
Әлеге бинага күптән ремонт ясалса да, төзелеш материаллары һаман да күз өстендәге каш булып ята. Алай гына да түгел, таралып яткан комга чүп үләне үсеп, объект тирәсенә көнкүреш калдыклары ташланылган. Белгечләр аны исәпкә алып, хуҗасын эзләргә карар кылды. Юридик яки урындагы затка беркетмә төзелеп, ул административ җаваплылыкка тартылачак.
Рәдифә НОГМАНОВА