Татарстанда 80 миллион сумнан артыклык наркотик табылган
Республиканың наркополициясе ФСБ идарәсе хезмәткәрләре белән җирдә яшерен урын тапканнар.
Анда 15 брикет синтетик наркотик сакланган. Аларның тулаем авырлыгы 9 килограмм, ә дозалап исәпләгәндә 200 мең доза тәшкил итә, дип хәбәр итә “Эфир-24”. Табылган брикетларның бәясе якынча 80 миллион сумнан да артып китә. Хәзерге вакытта полиция әлеге яшерелгән “хәзинә”нең хуҗасын табу белән шөгыльләнә.