Җавапсыз мәхәббәт 5 нче каттан сикерүгә этәргән
Бүген 12 яшьлек кыз төзелеш барган бинаның 5 нче каттагы балконыннан сикергән.
Әйтүләренә караганда, Баулыда яшәүче кызны мондый адымга мәхәббәт этәргән. Кызның башы һәм аркасы нык имгәнгән. Фаразларга караганда, ул иптәш кызын урамда йөрергә чакырган һәм төзелеш барган объект янына килеп җиткәч аның белән саубуллашкан һәм һәркемгә “пока” дип әйтергә кушкан да бинаның 5 нче катында менеп киткән. Хәзер кызның тормышы өчен табиблар көрәш алып бара.