Яшисе килмәгән үсмер тугызынчы каттан сикергән
Яр Чаллыда хокук саклау органнары яшүсмерне үз-үзенә кул салуга китергән сәбәпләрне ачыкларга тырышалар.
Яңа шәһәр бистәсендә бер яшүсмер ял көннәренең берсендә көндезге сәгать өчтә тугызынчы каттан сикергән. Күрүчеләр әйтүенчә, сикерер алдыннан «Яшисем килми!» дип кычкырган. Вакыйга булган урынга килеп җиткән медиклар ярдәм итә алмаганнар. Бала алган тән җәрәхәтләреннән һәлак булган.