Алты килограмм наркотик белән тотылган
Юл-патруль службасы хезмәткәрләре Казанга керү юлында Мәскәү номерлары булган таксины туктатып тикшергәннәр.
Пассажирның спорт сумкасы аларга шикле күренгән. Тикшерә башлагач, аннан фольгага төрелгән алты кап табып алалар. Экспертиза анда синтетик наркотиклар булуын ачыклый. Менә шулай итеп наркокурьер такси белән Татарстан башкаласына алга таба сату өчен наркотикларның зур партиясен алып кермәкче булган.